Policia e Shtetit ka gjobitur 644 qytetarë që janë konstatuar pa maskat mbrojtëse gjatë 24 orëve të fundit. Autoritetet njoftojnë se 523 qytetarë që nuk i kishin vendosur maskat mbrojtëse, ndërsa , 121 pasagjerë janë gjobitur pasi janë konstatuar pa maska në automjete private dhe në mjetet e transportit publik.
Gjithashtu, gjatë kontrolleve janë shoqëruar në ambientet e Policisë në të gjithë vendin, 9 shtetas që nuk kanë pranuar t’i tregojnë punonjësve të Policisë dokumentin e identifikimit apo nuk e kanë pasur atë me vete, të cilët pasi kanë paraqitur dokumentin e identifikimit, janë ndëshkuar me masën administrative 3.000 lekë dhe më pas janë lënë të lirë. / Opinion.al
