Bota

Erdogan thirrje turqve: Bojkotoni mallrat franceze


Bëhu pjesë e Grupit Zyrtar të Opinion.al
>> KËTU <<
               Publikuar në : 16:53 - 26/10/20 |
Opi Nion

Presidenti turk, Rexhep Tajip Erdogan, i ka bërë thirrje popullit, për të mos blerë më produkte franceze. Kjo deklaratë e presidentit turk vjen pas përplasjeve me presidentin Emmanuel Macron, në ditët e fundit.

“Po bëhet gjithnjë e më e vështirë të jesh mysliman dhe të jetosh një stil islam në vendet perëndimore”, tha Erdogan.

Gjithashtu, ai i bëri thirrje kancelares Merkel dhe politikanëve europianë që të ndalojnë fushatën kundër myslimanëve.

“Unë i bëj thirrje Kancelares Merkel, nëse keni liri të fesë, si kanë ndodhur pothuajse 100 sulme ndaj xhamive? Ju jeni fashistët e vërtetë, ju jeni trashëgimtarët e nazistëve. Duke demonizuar myslimanët nuk do të fitoni asgjë.

Parlamenti Evropian, i cili flet për vendin tonë në çdo rast, nuk mund të injorojë Islamofobinë”, shtoi Erdogan, duke argumentuar se  “në disa vende evropiane, urrejtja ndaj Islamit dhe Myslimanëve është bërë një praktikë e promovuar edhe nga presidentët”.

“Politikanët evropianë duhet t’i bëjnë thirrje Macron, i cili udhëheq urrejtjen anti-myslimane në kontinent, të ndalojë politikat e tij”, tha presidenti turk.

Fillimisht ishin vendet arabe ato që vendosën të bojkotonin mallrat franceze pas vendimit të Macron për të shfaqur karikaturat e Profetit Muhamed në muret e godinave qeveritare në Paris./ Opinion.al

Pas