Reperi Rigels Rajku, i njohur si Noizy, është paraqitur mëngjesin e të mërkurës në Gjykatën e Posaçme.
Noizy është palë e dëmtuar në procesin ndaj të akuzuarve si anëtarë të një grupi kriminal të drejtuar nga Laert Haxhiu. Si dëshmitarë ishin paraqitur edhe babai dhe motra e tij.
Një nga episodet për të cilat akuzohen anëtarët e grupit është shpërthimi me eksploziv i lokalit në Currila, Durrës, në pronësi të tij.
Seanca u shty për më 13 maj, për shkak të mungesës së disa prej avokatëve të të pandehurve.
