Muajin e kaluar, në kulmin e protestave studentore ku të rinj nga e gjithë Shqipëria u bashkuan për një arsim më cilësor, reperi Noizy bërë një veprim të papritur. Me anë të një postimi në Instagram, ai u bëri thirrje studentëve të dialogonin me kryeministrin Rama. Në ditët më parë, studentët protestonin dhe nuk pranonin negociata, vetëm plotësim të kushteve. Kryeministri Rama ia përi të qartë protestuesve se e vetmja mënyrë për të plotësuar kërkesat është dialogu.
Marrë shkas nga lajmi i ditës, Noizy “këshilloi” ndjekësit e tij studenta që të dialogonin. Në gjykimin e tij, kjo ishte zgjidhja më e mirë.
Postimi i Noizyt (tashmë i fshirë):
“Te dashur studente:
Shoh shume mesazhe per mbeshtetje, dhe ne fillim nuk hezitova dhe e bera hapur. Por siç e dini çdo gjë në ktë botë e ka një zot shtepie. Ka drejtor spitali, ka drejtor shkolle, ka drejtor policie, apo prinder qe duhen pyetur ose mbase jeni dhe vete i pari shtepise si familje e re. Dhe në Shqiperi, duam s’duam, ka nje te pare shtepie, fundja fundit vete e kemi zgjedh. Tani nese une do doja disa ndryshime do beja çmos ta ulja baben ose te zotin e shtepise per te biseduar se si mund t’ia dalim mbane! Ndaj per zotin nuk po e kuptoj se PSE dhe CFARE te keqe ka te uleni dhe te veni pikat mbi i? Kur vete kryeministri po ju ofron takim dhe po thote se jam i gatshem per t’i plotesuar te gjitha kerkesat, madje dhe me shume se ç’kerkoni, mos valle eshte politike gjithcka?
Nese po, atehere ky o turp, nje here qe patem ne dore te benim dicka per veten tone, serisht e lejuam politiken te hyje ne mes. Me vjen sinqerisht keq per te gjithe ata studente te shkrete qe me verte i duan keto ndryshime pa ndikimin e politikes. Pa marre parasysh as PD as PS, mblidhini forcat dhe largoni njerzit qe ju peshperisin mbas veshi. Te pakten kjo qeveri nuk po ju vret mes protestes dhe te mos mbaj asnje njeri pergjegjesi. Me sinqeritet ju dua dhe do jem me ju deri në fund, Por jo kshu, duhet me ul e me e mbyll me fitore per studentat, jo me sherr per parti! Ju kam ❤❤❤”
Pas kësaj, deputeti Eduart Ndocaj reagoi me një postim në Instagram:
Mbrëmjen e së shtunës deputeti Ndocaj ishte i ftuar në Xing me Ermalin. Ai sqaroi postimin e tij të aq shumë të komentuar.
“Isha në Orosh në një shkollë pa energji elektrike. Aty rastësisht në tualet pashë që fëmijët kishin shkruajtur emrin e grupit të Noizyt OTR. E filmova, e publikova dhe ishte ironike sepse Noizy u bashkua me anti-studentët. Duke qenë se Noizy nuk e di nga e ka derën universiteti, thashë ç’ne ky. Sipas thashethemeve ai ka marrë një leje për një pallat në Durrës, që të thonte këtë. Nuk dua të shpik, por kështu kam dëgjuar.”
Pas kësaj deklarate të deputetit Ndocaj, Ermal Mamaqi telefonoi Noizyn për ta pyetur nëse kjo është e vërtetë.
“Atë postim nuk e kam bërë për asnjë çështje interesi, por për të mbrojtur të rinjtë sepse ata mund të ishin të afërm të mi. Janë fansat e mi, mund të isha unë ose motra ime. Nuk është bërë për asnjë çështje politike. As nuk kam lidhje fare. Mua s’më rruhet për asnjë anë politike se unë gjithçka e kam bërë me forcën time,” deklaroi Noizy./E.L.
