Edhe pse duhet edhe një muaj nga data zyrtare e zgjedhjeve, në 3 nëntor, më shumë se 1,2 milionë amerikanë kanë votuar tashmë për të zgjedhur presidentin amerikan.
Thuajse 800 mijë vota janë hedhur në shtetet ku vlerësohet se gara do të jetë më e nxehtë. Vetëm në Karolinën e Jugut dhe Uiskonsin kanë votuar mbi 500 mijë persona, rreth çereku i atyre që kanë kërkuar një fletë votimi.
Kjo tregon se amerikanët janë bindur se për cilin prej kandidatëve do të votojnë dhe nuk duan që vota e tyre të vonohet për shkak të postës.
Megjithatë, këto vota janë një pjesë e vogël e totalit të votave që dy kandidatët do të marrin, pasi në zgjedhjet e vitit 2016 votuan 130 milionë persona në total.
Deri tani, 30 milionë fletë votimi janë kërkuar për t’u plotësuar e dërguar me postë, ndërsa 43 milionë të tjera mendohet të dërgohen./Opinion.al
