Kreyministri Edi Rama ka ndarë mëngjesin e kësaj të premteje disa foto nga takimi i djeshëm në Tiranë me Presidentin e Turqisë, Rexhep Tajip Erdogan.
Përmes një postimi në rrjete sociale, Rama shkruan se Erdogan është mik i madh i Shqipërisë dhe shqiptarëve.
Mes fotove të postuara janë momente nga takimi mes tyre në Kryeministri, inaugurimi i xhamisë së Namazgjasë, foto së bashku me bashkëshortet e tyre, apo dhe nga pjesëmarrës të tjerë prezentë në inaugurimin e xhamisë.
“Mirëmëngjes, dhe me FotoALBUMIN e vizitës së një Miku të Madh të Shqipërisë e shqiptarëve dje në Tiranë, ju uroj një ditë të mbarë”, shkruan Rama.
Kujtojmë se Erdogan erdhi ditën e djeshme në Tiranë, ku takoi presidentin Begaj, kryeminstrin Rama e më pas mori pjesë në inagurimim e xhamisë së Namazgjasë.
Mes të tjerash, u firmosën edhe tre marrëveshje bashkëpunimi mes dy vendeve.
