Kryesore

Një bllok pllakash, zbulohet shkaku i tragjedisë në Prishtinë


               Publikuar në : 08:29 - 06/09/19 |
Al Do

Sherri që çoi në ngjarjen tragjike të pasdites së të enjtes në Prishtinë ndodhi për disa blloqe pllakash.

Sipas mediave në Kosovë, një anëtar i familjes Mehmeti kishte vendosur disa blloqe pllakash në zonën e familjes Rafuna.

Të dyja familjet janë bashkëpronare të ndërtesës ku jetonin në Prishtinë. Së fundmi, Zyra e Kadastrës në Komunën e Prishtinës kishte bërë ndarjen e hapësirave që u takon secilës prej familjeve, por mesa duket kjo gjë nuk ka kaluar pa konflikt.

“Familja Mehmeti kishte vendosur disa blloqe në megjën (zonën) afër familjes Rafuna. Njëri prej anëtarëve të familjes Rafuna ka larguar me shqelm blloqet e vendosura duke thënë se ‘i ke vendosur në megjën time”

Kaq ka mjaftuar që anëtarët e familjeve të përfshihen në një konflikt fizik e më pas të përdorin armët. Nga kjo përplasje deri tani kanë humbur jetën 2 persona, një nga secila familje dhe dy të tjerë janë në QKUK në gjendje të rëndë pasi kishin marrë plagë në kokë dhe në krahëror./Opinion.al

Pas