Aktualitet

Nishani: Lulzim Basha e dinte se Berisha do të shpallej “non grata”


Bëhu pjesë e Grupit Zyrtar të Opinion.al
>> KËTU <<
               Publikuar në : 20:31 - 27/05/21 |
Opi Nion

Ish-presidenti Bujar Nishani deklaroi sot se kreu i PD-së, Lulzim Basha ka qenë në dijeni të vendimit të DASH për shpalljen non grata të ish-kryeministrit Sali Berisha.

Në një intervistë në news 24 Nishani tha se kjo ka qenë edhe arsyeja e afrimit të datës së zgjedhjeve për kreun e PD-së. Po ashtu Nishani tha se Basha nuk ka asnjë kontribut në këto 8 vite brenda PD-së.

“Basha  s’ka asnjë kontribut në PD. Me çfarë? Me kë ta krahasosh se është më i miri?! Njerëzit duhet provuar, elitat po ashtu. Ka njerëz të tjerë që mund të qeverisin më mirë se Basha, dhe të tregojnë veten e tyre. Lider lind, nuk bëhesh. Kryetar nuk lind, bëhesh. Për mua po, pasi në 8 vite nuk bëri asgjë. Zoti Basha duhet të dalë në opinion publik dhe të bëjë transparencë për këtë gjë”, tha ai.

Lidhur me vendimin për shpalljen non-grata për ish-kryeministrin Berisha, Nishani tha: “Unë kam kuptuar se zoti Basha ka qenë në dijeni të informacionit, pasi jo pa qëllim afroi jo në mënyrë të pritur datën e zgjedhjeve brenda partisë. Kjo çështje ka krijuar një shok brenda PD. Se mohojmë dot, pasi Berisha është themelues i PD dhe për të ka ndjeshmëri”, tha Nishani.

Ndërkohë, i pyetur nëse duhet të përjashtohet zoti Berisha nga PD, ai tha se legjislacioni se vendimi i takon atij.

“Ai e shprehu vetë qartë, i takon atij. S’ka asnjë lloj legjislacioni që ta përjashtojë zotin Berisha. Kjo është zgjedhje personale e tij. Ne duhet ta respektojmë.”, tha ish-presidenti./Opinion.al

Pas