Sot nis viti i ri akademik për rreth 83 mijë studentë në ciklin bachelor. Rreth 22 mijë studentë ulen për herë të parë në auditoret e universitetit. Ndërkohë shumë dëgë nëpër universtitete nëpër rrethe janë mbyllur për shkak të mosplotësimit të kuotave të regjistrimit të studentëve.
Në Shkodër viti i ri akadamik në universitetin “Luigj Gurakuqi” ka nisur me 230 studentë më pak se një vit më parë.
Një rënie kjo progresive e frekuentimit të universitetit të vetëm në veri të vendit. Univeristeti i Shkodrës do pushojë së diplomuari fizikantë pasi ka patur 0 regjistrime në këtë degë. Kurse të tjera degë kanë jo më shumë se 9 të regjistruar si gjuha italiane, matematika etj.
Ndërkohë në universitetin “Ismail Qemali” në Vlorë degët e mbyllura janë: Matematikë, fizikë, kimi, gjuha italiane. Rrezikojnë pedagogji e specializuar dhe degët e mësuesisë me numrin më të ulët të regjistrimeve për shkak të mesateres mbi 7.
Po ashtu në Universitetin e Elbasanit u mbyllen 6 programe studimi, mes të cilave një sërë programesh të gjuhëve të huaja si gjuha gjermane, frënge dhe italiane. Teksa në mbyllje të fazës së tretë i kanë shpëtuar mbylljes Matematik-Fizika dhe Bio-Kimia.
Universiteti “Aleksandër Mosiu” Durrës i vetmi universitet i rretheve që i shpëton mbylljes së degëve.
Ndërkohë në Korçë janë mbyllur 3 programe studimi.
Gjithashtu dhe në universitetin Eqerem Çabej në Gjirokastër këtë vit do të mbyllen dëgët në drejtime të mësuesisë dhe konkretisht Matematika dhe Fizika, Fizikë dhe Teknologji Informacioni, Gjuha Italiane dhe Gjuha dhe Letërsia Greke.
