Sot në Bruksel do të zhvillohet dialogu Kosovë-Serbi, ku do të takohen kryeministri i Kosovës, Albin Kurti, dhe presidenti i Serbisë, Aleksander Vuçiç.
Në faqen zyrtare të Bashkimit Evropian është bërë e ditur agjenda e këtij takimi.
Sipas agjendës, në orën 08:20 është planifikuar arritja e përfaqësuesit të Lartë të Bashkimit Evropian për Politika të Jashtme dhe Politika të Sigurisë, Joseph Borrell.
Pastaj, në orën 10:30, zëvendëspresidenti i Komisionit Evropian, Borrell, do të ketë takime bilaterale, te ndara, fillimisht me kryeministrin e Kosovës, Albin Kurti, e pastaj edhe me presidentin e Serbisë, Aleksandër Vuçiç.
Ndërsa, një tryezë e përbashkët diskutimi është planifikuar për orën 11:00.
Në orën 12:30 pritet të mbahet një konferencë për media nga përfaqësuesi Special të BE-së për dialogun Prishtinë – Beograd dhe çështje tjera të Ballkanit Perëndimor, Miroslav Lajçak.
Qeveria e Kosovës ka theksuar shpesh se takimi i sotëm nuk është dialog, por takim për dialogun e ardhshëm, teksa për Bashkimin Evropian ky takim i sotëm nuk është nisje per një dialog të ri, por vazhdim i dialogut./Opinion.al
