Ka nisur mbledhja e KQZ për heqjen e mandateve të deputetëve Aqif Rakipi dhe Gledion Rehovica. Asnjëri prej tyre nuk është i pranishëm në mbledhje por përfaqësohen nga avokatët. Mbledhja ka nisur me hedhjen poshtë të kërkesës së avokatit të Rakipit, Theodhori Sollaku, i cili kërkoi të pushohen kërkesat e prokurorisë. Pas votimit me 6 vota kundër, ai iu drejtua kreut të KQZ, Klement Zguri me fjalët: E prisja, që kur e hapët mbledhjen duke falenderuar prokuroren e pergjithshme.”Për çfare e falenderove, për shkak se nuk ka sjelle asnje material shtese?”-iu drejtua Sollaku-Zgurit.
Pjesë nga debati në mbledhje
Sollaku: Kërkojmë pezullimin e kërkesës. Rakipi ka kërkuar shfuqizimin e bazës ligjore. Paraqesim kërkesën për pezullimin e procedurës.
Zguri: Hedhim në votim kërkesën. 6 vota kundër, rrëzohet
Sollaku: E prisja. Më vjen keq që ky proces është nisur paragjykues për vendimmarrjen tuaj
Vera Shtjefni: Ligji i dekriminalizimit përcakton një afat që duhet të bëhet shqyrtimi i rezultateve. Afati është 10 ditë. Gjykata do të japë vlerësimin për atë që ju thoni, por KQZ ka bazë ligjin për dekriminalizimin dhe jemi të detyruar të shqyrtojmë cështjen brenda 10 ditëve.
/Opinion.al
