Xhama të thyer dhe dyer të shqyera kjo është ajo ç’ka po ndodh në selinë e PD. Ndërkohë një pjesë e protestuesve, mbështetës të Berishës para selisë blu kanë tentuar të thyejnë kamerat e vendosura në godinën e Partisë Demokratike.
Sikurse shihet në pamje ata po ngjiten me shkallë dhe litarë dhe po thejnë kamerat.
Kamerat e sigurisë janë vendosur nga PD një ditë më parë për të mbajtur nën monitorim çdo episod të protestës dhe për të identifikuar çdo protestues që do të përdorë akte dhune. Ndërkohë protestuesit kanë arritur të hapin edhe derën e pasme të godinës që i përket zyrave të Forumit Rinor të Partisë Demokratike.
