Aktualitet

Ngjarja, ja çfarë ndodhi sot në Paris me 3 viktima e 5 të arrestuar


Bëhu pjesë e Grupit Zyrtar të Opinion.al
>> KËTU <<
               Publikuar në : 10:27 - 18/11/15 |
b.f

PARIS- Policia franceze ka bastisur një apartament në Parisin verior në përpjekje për të kapur të dyshuarin për sulmet terroriste të së premtes. Ndërhyrja çoi edhe në një shkëmbim zjarri gjatë përpjekes për të kapur Abaaoud Abdelhamid, njeriu që besohet se është organizatori i sulmeve ku mbeten të vrarë 129 persona.

Operacioni kishte filluar rreth orës 04:30 (ora lokale) ku janë dëgjuar krisma nga armatimet e rënda që ka përdorur policia dhe ushtria. Një seri shpërthimesh u dëgjua rreth 7.30 (ora lokale).

Prokurori francez ka konfirmuar se një grua hodhi veten në erë gjatë bastisjes së banesës. Sakaq dy burra dyshohet se janë vrarë nga policia, ndërsa tre burra, të cilët ishin fshehur në banesë, u arrestuan. Ende nuk dihet identiteti i tyre. Një burrë dhe një grua tjetër u arrestuan gjithashtu në afërsi të banesës.

Ndërhyrja policore shkaktoi jo pak tronditje tek banorët e rrugës Saint-DenisNabil, një 21 vjeçarar nga Tunizia tregon: “Isha duke dalë nga shtëpia me vëllanë kur dëgjova të shtëna të fuqishme, u shkrehën breshëri plumbash. Më pas u dëgjuan edhe shpërthime”, thotë ai.

Nuk ka ende të dhëna zyrtare nëse u arrestua pikërisht personi që kërkohej Abaaoud Abdelhamid. Një zyrtar policie në mënyrë konfidenciale u ka thënë mediave franceze se operacioni nuk ka përfunduar në Saint Denis.

 

saint denis 2

 

 

KOMENTO (0)

Shkruaj nje koment

    Pas