Aktualitet

Nga pensionet te rritja e ndihmës ekonomike, Rama prezanton paketën antikrizë



Bëhu pjesë e Grupit Zyrtar të Opinion.al
>> KËTU <<
               Publikuar në : 09:17 - 08/09/22 |
Opi Nion

Kryeministri Edi Rama ka dalë në një konferencë për mediat me ministren e Infrastrukturës dhe Energjisë Belinda Balluku dhe ministren e Financave, Delina Ibrahimaj ku po prezanton paketën antikrizë.

Kreu i qeverisë ka deklaruar se pensionet do të indeksohen për herë të dytë brenda vitit me 6% ku së bashku me indeksimin e parë shkon në 9.5%. Po ashtu Rama bëri me dije se do të rritet me 10% ndihma ekonomike dhe do të dyfishohet ndihma ekonomike për gratë kryefamiljare me 2 fëmijë.

“Paketa është konceptuar si një mbështetje afatmesme, jo si një mbështetje e përkohshme, e shtrirë në një, dy apo tre muaj që do të thotë se kemi marrë në konsideratë faktin që kjo krizë është e një natyre të paparashikueshme për kur e ka fundin e saj dhe angazhimi ynë është që t’u japim njerëzve tanë një mbështetje afatmesme, të qëndrueshme dhe të ndërhyjmë në një sërë drejtimesh.

Për pensionet, indeksohen zakonisht 1 herë në vit, kjo ndodh në muajin prill. Duke marrë parasysh edhe efektin e inflacionit janë indeksuar edhe këtë vit por për herë të parë do të riindeksohen. Do të riindeksohen të llogaritur me normën e inflacionit që shkon në 6% duke u nisur nga indeksimi i mëparshëm dhe në 9.5% si indeksim tërësor i këtij viti. Kjo do të ndodhë edhe për personat me aftësi të kufizuar që kemi indeksimin e përvitshëm. Bëjmë ndërhyrje me indeksim 7.5% për të gjithë personat me aftësi të kufizuar. Do të rrisim me 10% ndihmën ekonomike dhe do ta dyfishojmë ndihmën ekonomike për gratë kryefamiljare me 2 fëmijë. Të gjitha gratë që janë në kushtet e papunësisë, do të marrin një ndihmë ekonomike të dyfishuar. Pagat do të rriten ashtu siç është paralajmëruar për sektorët prioritarë. Rriten pagat për administratën dhe për policinë e shtetit dhe policinë e burgjeve. Paga minimale do të shkojë 34 mijë lekë”-tha Rama.

Pas