Kronikë

Nga grabitja e VIP-ave në Greqi tek posta e Krujës,kush është Andi Paturri


               Publikuar në : 13:36 - 07/11/19 |
Opi Nion

Ditën e sotme u njoftua se policia ka arrestuar autorët e grabitjes së 110 milion lekëve në postën e Krujës. Mes të arrestuarve është Andi Paturri, i cili nuk është një emër i panjohur për drejtësinë.

Në vitin 2017, mediat greke publikuan emrat dhe fotot e 4 shqiptarëve që kryenin vjedhje nën kërcënimin e armëve në banesat luksoze në Athinë, ku mes tyre ishte dhe Paturri, i cili u shpall në kërkim. Banda e shqiptarëve ka kryer vjedhje të shumta në apartamente luksoze duke përdorur shpesh edhe kërcënimin e armëve.

Banda shqiptare ka grabitur dhe banesat e personazheve të njohur në Greqi, si Nikos Vertis, apo e ish-bashkëshortit të këngëtares Elena Paparizou si dhe menaxheri i artistëve Tony Mavridis.

Sipas të dhënave, vlerë e grabitjeve të bandës shqiptare është mbi 1 milion euro, ndërsa Prokuroria e Athinës ka të dokumentuar 9 vjedhje të kryera nën kërcënimin e armës, mes të cilave 18 makina, ndërsa 3 herë banda shqiptare ka tentuar të vrasë dhe punonjësit e policisë.

Ndërkohë, të arrestuarit për grabitjen e postës së Krujës janë; Mark Caka, Gazmir Saka, Hysen Kica, Bujar Tafa dhe Andi Rexhepi (Paturri), ndërsa roja Besnik Parruca i prangosur pas grabitjes akuzohet për shpërdorim detyre./Opinion.al

Pas