Kryesore

“Zgjedhorja”/ Gjiknuri flet për propozimet e PD, Hajdari: Ndryshim sistemi


               Publikuar në : 14:11 - 07/11/19 |
Opi Nion

Ditën e sotme Komisioni i Reformës Zgjedhore zhvilloi mbledhjen e ku diskutoi propozimet e ekspertëve që synojnë depolitizimin e KQZ-së dhe procesit të monitorimit dhe numërimit të votave në zgjedhje.

Pas përfundimit të mbledhjes, Bashkëkryetari i këtij komisioni, Damian Gjiknuri, deklaroi se propozimet e Partisë Demokratike janë të mirëpritura, pasi sipas tij, ky proces është transparent.

Gjitknuri foli dhe për fenomenin e shit-blerjes së votës, duke thënë se kjo nuk mund të parandalohet nga kodi zgjedhor, por nga procesi penal.

“Presim çdo lloj propozimi nga PD nga çdo palë e interesuar. Natyrshëm PD është pjesë integrale e këtij komisioni pavarësisht se s’merr pjesë. Ky është proces i hapur e transparent, diskutimet e draftet i vihen në dispozicon publikut. Fenomenet kriminale s’parandalohen nga kodi zgjedhor. Natyra ka bërë që të ketë edhe njerëz që shkelin ligjin. Kjo bëhet me proces transparent. Shit- blerjen e votave e lufton vetëm procesi penal kur ka raste hetimet të bëhen në kohë, si çdo krim tjetër edhe krimi zgjedhor luftohet me politikë të luftës kundër krimit nga institucionet e ngarkuara nga ligji. Të mos i kthejmë zgjedhjet në mollë sherri”, u shpreh deputeti socialist.

I pyetur në lidhje me zerimin e punës së komisionit nëse qeveria do të arrijë një marrëveshje me PD, Gjiknuri tha; “Nëse ka një marrëveshje që një pjesë e propozimeve të PD të diskutohen në komision kjo do ishte një ngjarje e mirë për Shqipërinë”.

Ndërkohë, më herët foli dhe bashkëkryetarja e Komisionit të Reformës Zgjedhore, Rudina Hajdari e cila theksoi se drafti kishte mangësi në përbërje.

Sipas Hajdarit drafti i dytë është një revolucion për administrimin e zgjedhjeve. Ndër të tjera ajo ka shtuar se KQZ dhe të gjitha strukturat e sistemit zgjedhorë do të ndryshojnë në mënyrën e funksionimit. Ajo ka shtuar se për sa u përket komisionerëve që do të merren me zgjedhjet, fillimisht duhet të ndryshojë edhe statusi i nënpunësit civil.

“Mendoj se fokusi mbetet te administrata zgjedhore, drafti është një revolucion më vete. Mbledhja e sotme u fokusua në dy drejtime. Kemi një arkitekturë të re. U pa në mënyrë të detajuar se si është propozuar nga ekspertët si do përzgjidhen ata. Do ketë edhe një seancë të dytë ku do diskutojmë më tej. Është draft tejet i rëndësishëm se flitet për një administratë të re zgjedhore. Është një pikënisje e duhur por nuk do të thotë se kemi arritur një konsensus. Profesioni i komisionerëve është tepër i rëndësishëm. Kemi akoma shumë punë për të bërë. Po ashtu një pikë tjetër që u prek nga seanca e sotme ishte përgjegjshmëria që këta individë do të kenë kur do të zgjidhen si anëtarë të KQZ. Njerëz jashtë statusit të nëpunësit civil mund të aplikojnë. Kyçi i gjithë kësaj është që do kalojë në Kuvend dhe kërkon 2/3. Keme vendosur që të kemi një mbledhje tjetër ku do merremi pikërisht me këtë draft, me të dytin. Dua që tju garantoj se do ketë takim sërish me shoqërinë civile dhe me aktorë të tjerë. Drafti i parë kishte mangësi në përbërje”, tha Hajdari./ Opinion.al

Pas