Politikë

Nga flokët e lëpirë tek gafat në foltore! Çuditë s’kanë të sosur në Kuvend


Bëhu pjesë e Grupit Zyrtar të Opinion.al
>> KËTU <<
               Publikuar në : 16:22 - 28/05/20 |
Opi Nion

Djegia e mandateve të opozitës më shumë se një vit më parë dhe zëvendësimi i të larguarve me emrat që vijonin në listën e kandidatëve, solli jo pak surpriza në Kuvendin e Shqipërisë. Nëse më herët ishim mësuar të shihnim thjesht deputetë memecë, që nuk flisnin kurrë në foltore, këtë radhë po njihemi me deputetë që marrin vëmendje pikërisht për gafat nga foltorja.

Ndërsa kujtojmë fjalimin e deputetes Majlinda Halili, që u bë viral në rrjetet sociale jo vetëm për paqartësinë, por edhe për pamundësinë e leximit korrekt të saj, një tjetër “suprizë” nga kuvendi nxori edhe deputeti Kostaq Papa, kur kujtoi rininë. “Vajzat pranë meje pinin më shumë uiski dhe pije të mira se sa ujë”, tha atëherë deputeti.

E si për t’u thënë votuesve se çuditë nga parlamenti nuk do të përfundojnë kaq shpejt, (pa përfunduar të paktën ky legjislacion), një tjetër deputet ka vendosur të tërheqë vëmendjen. Por këtë radhë jo përmes foltores. Ndoshta Selami  Jenishehri do t’ja kursente vetes foltoren, por kurrsesi një look ndryshe në sallën e kuvendit. Përfaqësues i Partisë “Bashkimi Popullor i Pensionistëve Shqiptarë”, 77-vjeçari duket se preferon shpesh të luajë me imazhin. A është ky model flokësh i përshtatshëm për një deputet? Le ta vendosin votuesit e tij!/Opinion.al

 

 

Pas