Kronikë

Nga Durrësi në Tiranë për të shitur kokainë, zbulohet skema e 31-vjeçarit



Bëhu pjesë e Grupit Zyrtar të Opinion.al
>> KËTU <<
               Publikuar në : 09:35 - 15/02/22 |
Opi Nion

Një 31-vjeçar është vënë në pranga nga forcat e Policisë së Tiranës, në kuadër të një operacioni policor të koduar “Stacioni”, për goditjen e veprimtarisë kriminale në fushën e narkotikëve.

Mësohet se është arrestuar Fabian Bega nga Durrësi, i dënuar më parë për veprën penale prodhim dhe shitje të lëndëve narkotike.

31-vjeçari, pasi siguronte lëndën narkotike në sasi 500 gramë deri në 2 kg, në qytetin e Durrësit, e ndante në porcione të vogla, të cilat më pas i shiste në zonën e “Don Boskos”, në rrugën “Mine Peza” dhe në afërsi të Zogut të Zi, kundrejt vlerës 8000 lekë të rinj një dozë me kokainë. Ai, lëvizjet nga Durrësi në Tiranë, i bënte me transport publik, ndërsa brenda Tiranës lëvizte me këmbë, që të ushtronte aktivitetin e tij pa u pikasur nga shërbimet e Policisë.

Ndërkohë, vijon puna për identifikimin dhe kapjen e personave të tjerë të përfshirë në këtë aktivitet kriminal. Materialet i kaluan Prokurorisë së Rrethit Gjyqësor Tiranë, për veprime të mëtejshme, për veprën penale “Prodhimi dhe shitja e narkotikëve”./Opinion.al

Pas