Kryeministri Edi Rama ka publikuar në rrjetet sociale fotot nga takimet e zhvilluara në Glasgow në ku po merr pjesë në samitin e Klimës.
Kreu i qeverisë është takuar me ish-kryeministren e Britanisë së Madhe Theresa May teksa ka qenë i shoqëruar nga ministrja e Mjedisit dhe Turizmit Mirela Kumbaro.
Rama ka pasur një takim kokë me kokë edhe me kryeministrin kanadez Justin Trudeau. Më herët gjatë ditës Rama bëri publik edhe takimin me aktorin me famë botërore Leonardo Di Caprio, duke theksuar se me të e bashkon mbrojtja e lumit Vjosa.
