Bota

Nga bankat ruse te qeveria e Putinit/ BE bën gati paketën e parë të sanksioneve



Bëhu pjesë e Grupit Zyrtar të Opinion.al
>> KËTU <<
               Publikuar në : 15:34 - 22/02/22 |
Opi Nion

BE-ja ka publikuar propozimet e saj për sanksionet që do të vendosen ndaj Rusisë si reagim ndaj zhvillimeve të fundit dhe njohjes së pavarsisë nga presidenti rus Putin i dy rajoneve separatiste në Ukrainën lindore dhe dërgimin e trupave atje.

BE ka publikuar paketën e sanksioneve ndaj Rusisë, ndërsa theksojnë se “BE ka përgatitur dhe është e gatshme të miratojë masa shtesë në një fazë të mëvonshme nëse është e nevojshme në varësi të zhvillimeve të mëtejshme”.

Sipas BBC, për momentin, sanksionet synojnë:

Ata që ishin të përfshirë në vendimin e paligjshëm, 351 anëtarë të parlamentit rus që mbështetën njohjen e dy krahinave së bashku me 11 persona që e propozuan atë.

Bankat që financojnë operacione ushtarake ruse dhe operacione të tjera të Rusisë në ato territore.

Aftësinë e shtetit dhe qeverisë ruse për të hyrë në tregun e kapitalit, shërbimeve dhe tregun financiar të BE-së për të kufizuar financimin e politikave përshkallëzuese dhe agresive.

Tregtinë nga dy rajonet e shkëputura drejt dhe nga BE-ja, për të siguruar, që përgjegjësit të ndjejnë qartë pasojat ekonomike të veprimeve të tyre të paligjshme dhe agresive.

Të 27 vendet anëtare të BE-së duhet të bien dakord për këto sanksione.

Sa i përket të ardhmes dhe sanksioneve të mundshme të mëtejshme kundër Rusisë, Italia, Austria dhe Gjermania e kanë bërë të qartë nervozizmin e tyre për furnizimet dhe çmimet e energjisë./Opinion.al

Pas