Roberto Saviano, italiani i njohur për librat për Mafian, është rishfaqur duke folur tashmë për ISIS dhe fuqinë ekonomike të shtetit më terrorist në botë. Në një intervistë për New York Times, pyetjes nëse ISIS mund të dobësohet duke sulmuar strukturën financiare të tij, përmes të cilës stërvit rekrutët e tij dhe blen armatime, Saviono thotë “JO”.
“Jo, kjo nuk mund të bëhet pa një ndryshim rrënjësor të metodave se si bota qeveris ekonominë e saj. Sepse, ashtu si dhe shumë organizata kriminale, ISIS është rritur dhe fuqizuar duke shfrytëzuar kanalet përmes të cilave hyjnë kapitalet: droga, nafta, financimet private, apo nga kontrabanda e artefakteve. Të bllokosh asetet që mbushin arkat e ISIS do të thotë të rishikosh ekonominë e gjithë botës. Franca, sikurse Shtetet e Bashkuara më parë, po paguan një çmim shumë të lartë për mungesën e vëmendjes”.
