Aktualitet

Negociatat/ Varhelyi: Shqipëria pranë përmbushjes së të gjitha kushteve


Bëhu pjesë e Grupit Zyrtar të Opinion.al
>> KËTU <<
               Publikuar në : 16:26 - 07/10/20 |
Al Do

Komisioneri Europian i Zgjerimit, Oliver Varhelyi mbajti sot në Kuvend fjalën e tij, në kuadër të vizitës me rastin e publikimit të progres-raportit të Komisionit Europian për zgjerimin.

Gjatë fjalës së tij, komisionari theksoi se vendi i rajonit të Ballkanit Perëndimor është në Bashkimin Europian.

Dëshiroj të përçoj të qartë për shqiptarët që do ju qëndrojmë pranë do punojmë fort që ju të bëheni shtete anëtare dhe të integruara në jetën tonë. Ballkani Perëndimor ka qenë përparësi e jona. Ne kemi qenë të angazhuar për të patur rezultate në Ballkanin Perëndimor.

Varhelyi renditi si tre objektivat kryesore të punës së Komisionit në Ballkanin Perëndimor “rinovimin e procesit të zgjerimit, çeljen e negociatave me Shqipërinë dhe Maqedoninë e Veriut si dhe konvergjencën ekonomike të rajonit me Bashkimin Europian”.

Më tej, tej ai foli për planin e investimeve në Ballkanin Perëndimore ku është parashikuar një paketë financiare prej 9 miliardë euro, plus 20 milionë të tjera që mund të vijnë në formën e kredive të buta.

Plani i investimeve do të shërbejë për të promovuar rimëkëmbjen afatgjatë dhe do të ndihmojë në zbatimin e reformave për të ecur drejt BE. Sfida t më të mëdha kanë të bëjnë me transportin, energjinë, mjedisin, sektorin privat dhe rininë. Paketa e investime do të sjellë të mira të konsiderueshëm në rajon, duke përshirë këtu edhe Shqipërinë”, tha ai.

Sa i përket çeljes së negociatave dhe konferencës së parë ndërqeveritare, Varhelyi tha se Shqipëria është shumë pranë plotësimit të të gjitha kushteve që të ulet në tryezën e negociatave. Ai nënvizoi se është bërë progres i dukeshëm si dhe vuri në dukje përmbushjen e kushtit të reformës zgjedhore të cilën e ritheksoi si një kusht kyç për negociatat.

Shqipëria ka ndjekur me vendosmëri angazhimin për reformat dhe është pranë përmbushjes së të gjitha kushteve që duhen arritur përpara konferencës së parë ndërqeveritare. Kam mirëpritur rezultatin pozitiv të marrëveshjes së 5 qershorit  dhe inkurajoj të gjitha palët të mbajnë në fokus këto reforma. Reforma zgjedhore është kusht thelbësor për konferencën e parë ndërqeveritare. Shqipëria duhet të ruajë ritmin e këtyre përpjekjeve.”, tha komisioneri. /Opinion.al

Pas