Marrja e presidencës së Këshillit Europian nga Gjermania deri në fund të vitit 2020 ishte një shenjë shprese për vendet e Ballkanit Perëdimor për më shumë perspektivë në rrugën e tyre për anëtarësim. Gjermania ka qenë një nga vendet më të angazhuara në afrimin e rajonit drejt BE-së, por ndonëse në Mars, vendet anëtare ranë dakord për hapjen e negociatave në parim me Maqedoninë e Veriut dhe Shqipërinë, përparaimi i tyre duket se nuk është i njejtë në sytë e Berlinit.
Ministri i Jashtëm gjerman, Heiko Mass, tha në një seancë dëgjimore në komisionin e punëve të jashtme të Parlamentit Europian, tha se gjatë presidencës gjermane do të jetë më shumë e mundur që të zhvillohen konferenca anëtarësimi me Maqedoninë e Veriut sesa me Shqipërinë.
“Në fillim të këtij viti, ne shpresuam në arritjen e një marrëveshjeje lidhur me vendimin për hapjen e negociatave të anëtarësimit me Maqedoninë e Veriut dhe Shqipërinë. Ne ishim shumë të kënaqur që kjo u arrit. Ne do të donim që të zhvillonim disa konferenca anëtarësimi gjatë presidencës gjermane. Kjo është më shumë e mundur për Maqedoninë e Veriut sesa për Shqipërinë.
Ky është mesazhi që ne po marrin edhe nga shtete të tjera anëtare. Ka ende hezitim kur vjen fjala për Shqipërinë. Por, edhe nëse ne nuk do mund të avancojmë kaq shpejt me Shqipërinë, ne duhet të fillojmë negociatat dhe konferencat e anëtarësimit me Maqedoninë e Veriut. Sigurisht që ne do të donim të bënim të njëjtën gjë për Shqipërinë. Ne nuk e dijmë se kur mund të jetë e mundur, por ky është objektivi ynë”, raporton gazetarja Erisa Zyka për ABC News, fjalën e kryediplomatit gjerman.
Komentet e Mass vijnë fill pas fjalës së Kancelares Merkel në Parlamentin Europian, ku ajo tha se “duhet të angazhohemi në bisedimet me Maqedoninë e Veriut dhe, mundësisht, edhe me Shqipërinë”, gjë që tregoi se rruga e vendit tonë me Maqedoninë e Veriut drejt BE nuk është në korsi të njejtë. /Opinion.al
