Teksa në Bruksel zhvillohet samiti i Bashkimit Europian, ku lajmet nuk kanë qenë të mira përsa i përket çeljes së negociatave me Shqipërinë, presidenti Meta ka komentuar nga Kukësi zhvillimet e fundit.
Ai ka thënë se shpresa nuk duhet humbur deri në fund dhe se shpreson te një reflektim të liderëve të vendeve anëtare. Meta i bën thirrje gjithashtu skeptikëve që të ndjekin shembullin e Bundestagut.
“Shpresoj të ketë reflektim për vendim pozitiv. Asgjë nuk ka përfunduar dhe shpresoj të ketë reflektim. Vendet skeptike të ndjekin shembullin e Bundestagut. Të mos humbasin shpresat”-tha mes tjerash Meta.
Gjermania fillimisht ka qenë kundër çeljes së negociatave por Bundestagu vendosi për hapjen e tyre me kushtëzim. Megjithatë Franca dhe Holanda kanë mbajtur një qëndrim më radikal duke i dhënë një “JO” të prerë Shqipërisë. /Opinion.al
