Komisioneri në ikje për zgjerimin në BE, Johanes Hahn ka konfirmuar se liderët e vendeve anëtare të Bashkimit Europian nuk kanë arritur një marrëveshje në lidhje me çeljen e negociatave me Shqipërinë dhe Maqedoninë e Veriut.
Hahn bën thirrje se ky nuk ishte vendimi që duhej ndërmarrë dhe kërkon nga BE të sqarojë pozicionin e saj në lidhje me integrimin e Ballkanit Perëndimor në BE.
“Liderët e BE nuk i qëndruan premtimit të tyre për të hapur negociatat për anëtarësim me Maqedoninë e Veriut dhe Shqipërinë në Samitin e BE-së. Ky është një zhgënjim i madh. Vendet anëtare tashmë duhet të sqarojnë se sa serioz është angazhimi i tyre për integrimin në BE të rajonit të Ballkanit Perëndimor. Falënderoj të gjithë ata që mbrëmjen e djeshme këmbëngulën për arritjen e një vendimi të rëndësishëm strategjik për BE dhe luftuan për të çuar një sinjal shprese qytetarëve të Ballkanit Perëndimor. Sic e thashë në Luksemburg: Ky nuk është një moment lavdie për BE-në. Të refuzosh njohjen e progresit të provuar do të ketë pasoja negative përfshi rrezikun e destabilizimit të Ballkanit Perëndimor, me ndikim të plotë në BE. Është përgjegjësia jonë tashmë të qëndrojmë krah vendeve, qytetarët e të cilëve janë me të drejtë të zhgënjyer deri në palcë dhe do të vazhdoj të bëj gjithçka për ti mbështetur. Integrimi i Ballkanit Perëndimor në BE është dhe mbetet një politikë strategjike në interesin tonë të përbashkët” shkruan Hahn në Twitter. /Opinion.al
#EU leaders failed to live up to their commitment to open #accession negotiations with #NorthMacedonia and #Albania at #EUCO. This is a matter of extreme disappointment. #EU #MS now need to clarify how serious their commitment is to the #WesternBalkans’ #EU integration. 1/4
— Johannes Hahn (@JHahnEU) October 18, 2019
