Politikë

Negociatat e Shqipërisë, Franca konsultohet me Gjermaninë


               Publikuar në : 15:36 - 09/10/19 |
Opi Nion

Franca ende është skeptike nëse Shqipëria e meriton hapjen e negociatave me Bashkimin Europian. Lidhur me këtë çështje, mësohet se Franca po vazhdon konsultimet me Gjermaninë për të vendosur nëse Shqipëria e meriton një përgjigje pozitive më 15 tetor.

Ky lajm është konfirmuar për “Vizion Plus” nga ambasadorja e Francës në Shqipëri, Christina Vasak. Ajo ka theksuar se Franca do ende kohë për të marrë një vendim përfundimtar për çështjen e negociatave për Shqipërinë.

Nuk jam në gjendje të përgjigjem. Autoritet shqiptare e dinë që vendimi do të merret nga autoritet më të larta,  në kthim nga Nju Jorku zoti Rama na nderoi me pjesëmarrjen e tije, të largimit të Zhak Shirak. Në Shqipëri e dinë të gjithë se për vendime kaq të rëndësishme zyrtare ka konsultime të gjata. Unë nuk jam në gjendje t’ju them këtë gjë pasi konsultimet vazhdojnë, mes palëve me njëri tjetrin  dhe ata janë konsultime të gjata dmth në Gjermani. Unë do t’ju kërkoja të merrni parasysh këtë aktivitet kaq të bukur se jeta vazhdon dhe ne do të kemi rastin të flasim për këtë temë që i intereson të gjithëve më vonë”-ka thënë Vasak.

Kujtojmë se Franca dhe Holanda janë dy nga vendet më skeptike për hapjen e negociatave të Shqipërisë me Bashkimin Europian./ Opinion.al E.Xh.

Pas