Aktualitet

Në Shqipëri duhen 7 ditë për të marrë përgjigjen e një tamponi të Covid-19


Bëhu pjesë e Grupit Zyrtar të Opinion.al
>> KËTU <<
               Publikuar në : 16:14 - 02/11/20 |
Al Do

7 ditë për të marrë përgjigjen e një tamponi të Covid-19. Kaq kohë nuk duhet as në vendin më të humbur të globit, por fatkeqësisht kjo ndodh vetëm në Shqipëri. Tamponi aktualisht është i vetmi test që verifikon nëse një person është apo jo i prekur nga koronavirusi.

Që nga nisja e pandemisë janë të shumtë qytetarët që janë ankuar se autoritetet nuk ua kryejnë testin. Tani, edhe kur testi bëhet, marrja e përgjigjes është hall më vete.

Qytetarë të shumtë kanë denoncuar në Televizionin Klan faktin se e kanë bërë tamponin 7 ditë më parë, por askush nuk u ka dhënë përgjigje. Kanë qëndruar për 1 javë me radhë në shtëpi, të izoluar, së bashku me pjesëtarët e tjerë të familjes, kanë munguar në punë, kanë pasur vështirësi për të kryer nevojat e përditshme, apo kanë pasur edhe ankth për shkak se simptomat e gripit stinor i kanë ngatërruar me ato të Covid.

Bazuar në procedurat e përcaktuara nga ekspertët shëndetësorë, testi kryhet në ditën e 5 të nisjes së simptomave.

Ekspertët thonë se nëse duhet të pritet 7 ditë për përgjigjen, me shumë gjasë një person i prekur nga Covid-19, ose është negativizuar në ditën e 12, ose është përkeqësuar si pasojë e mos reagimit në kohë dhe mund të rrezikojë edhe jetën.

Vonesa kaq të gjata ndodhin vetëm në Shqipëri. Maqedonia e Veriut, prej ditës së sotme ka futur testin e shpejtë, që mundëson përgjigjen brenda 15 minutave. Kosova, shteti më i ri në Europë, e jep përgjigjen brenda 3 ditësh./ tvklan.al

Pas