Oxfam, një nga organizatat jofitimprurëse më të njohura ndërkombëtarisht kreu një studim, i quajtur “Koha për kujdes”, që tregoi qartë që jetojmë në një kohë kur pabarazia globale e të ardhurave është rritur në nivele ekstreme.
Statistikat duket se janë të pamëshirshme pasi sot 2153 miliarderë kanë një pasuri më të madhe se ajo e 4.6 miliardë personave në të gjithë globin, që përbëjnë 60 për qind të popullsisë së planetit.
Të dhënat financiare treguan gjithashtu se 46% e planetit jeton me më pak se 5 dollarë në vit, ndërsa gjysma e popullsisë botërore, ajo më e varfra, zotëron vetëm 1% të pasurisë.
Ndërkohë, 1% më i pasur i planetit në 2019 ka pasur mundësi financiare më të mëdha se pothuajse 7 miliardë persona.
“Hendeku midis të pasurve dhe të varfërve nuk mund të zgjidhet pa politika që luftojnë pabarazinë dhe shumë pak qeveri janë të angazhuara në këtë drejtim. Ekonomitë tona të prishura po mbushin xhepat e miliarderëve dhe bizneset e mëdha, në kurriz të burrave dhe grave të rëndomta”, tha shefi ekzekutiv i Oxfam-it në Indi, Amitabh Behar.
Organizata thekson gjithashtu se “ekonomitë seksiste” po thellohen teksa thekson se 22 burrat më të pasur në botë kanë më shumë pasuri sesa të gjitha gratë në Afrikë.
Raporti vjetor i Oxfam-it për pabarazinë globale del zakonisht përpara se hapjes së Forumit Botëror Ekonomik, i cili këtë vit nis punimet më 21 janar në Davos të Zvicrës./Opinion.al
