Politikë

Në listat e PS, Gjoza: Edhe duke bërë sanudiçe kam qenë e vlerësuar


Bëhu pjesë e Grupit Zyrtar të Opinion.al
>> KËTU <<
               Publikuar në : 12:55 - 08/03/21 |
el ida

Kryetari socialist Edi Rama ka prezantuar sot edhe tre emra të rinj që do t’i bashkohen listës së kandidatëve socialistë, ndërkohë që edhe pak orë na ndajnë nga afati i dorëzimit të emrave pranë KQZ-së.

Rama prezantoi mes tyre edhe Briseida Gjoza, anëtare e këshillit bashkiak të Elbasanit. Në prezantimin e saj Gjoza, tregoi se ishte diplomuar për administrim biznesi dhe studime europiane në Universitetin Europian në Bullgari dhe kishte punuar kryesisht për kompani ndërkombëtare. “Pas 10 vitesh jam kthyer në Shqipëri ku kam dhënë kontribut në sektorin privat”, u shpreh ajo.

Por ndër të tjera, kandidatja e re e socialistëve, që me sa duket do të garojë në qarkun e Elbasanit, u shpreh se në fillim rikthimi i saj është parë me skepticizëm nga miqtë, për faktin se ajo ishte një vajzë punëtore dhe në Shqipëri puna nuk vlerësohej. Por Gjoza theksoi se ajo është ndjerë gjithmonë e vlerësuar, madje edhe kur punonte si studente duke pastruar apo duke përgatitur sanduiç.

“Bisedat e para kanë qenë: Brisi duhet të vish me këmbë në tokë. Shqipëria nuk bëhet, je shumë idealiste, je shumë punëtore, nuk vlerësohet puna. Por jo.  Që kur kam qenë studente edhe në një punë si studente, duke pastruar dhe duke bërë sanduiçe nëse ti punoje fort kam dhënë rezultate maksimale dhe kam qenë një prej njerëzve më të vlerësuar”.

Duke folur për angazhimin e saj pranë PS, Gjoza tha se

“Në një skuadër që dëshiron të punojë dhe që është shumë e qartë në vizion dhe objektiva, çdo gjë është e mundur. Është shtruar një rrugë të cilën ka nevojë për kapacitetet e duhura për ta implementuar, sipas vizionit të dhënë. Në çdo pozicion të mundshëm si drejtuese apo ndjekëse unë do siguroj që do të jap maksimumin tim.  Mezi pres të filloj nga puna, më thuaj çfarë duhet të bëj dhe do ta bëjmë”, u shpreh Gjoza./Opinion.al

 

Pas