Agjencia amerikane e hapësirës NASA raportoi se ka zbuluar një planet të ri që rrotullohet rreth dy diejve. Ky është zbulimi i parë i një sateliti të ri nga agjencia për gjetjen e planetëve, e njohur si TESH, por më interesant është fakti se ai u gjet nga një 17-vjeçar.
Wolf Kukier ishte pranuar në një stazh dy mujor në NASA, si pjesë e një nisme për të angazhuar të rinjtë në programet e institucionit të njohur. Por në ditën e tij të tretë të praktikës, ai vuri re një ndryshim të pazakontë në një sektor të hapësirës, që algoritmet e kishin cilësuar si normal.
Pasi dha sinjalin, filluan kërkimet më në thellësi, dhe në fund u bë me dije se Wolf kishte zbuluar një planet 7 herë më të madh se Toka, rreth 1300 vite dritë nga ne, të cilit iu vu emri TOI 1338, për shkak të sistemit në të cilin ndodhet.
“Pashë të dhënat që vullnetarët i përshkruanin si eklipsi i një sistemi binar, një sistem ku dy yje rrotullohen nga njëra-tjetra dhe eklipsojnë orbitën e njëri-tjetrit nga pamja jonë,” shpjegoi 17-vjeçari, Wolf Kukier, emri i të cilit do të mbetet përgjithmonë në historinë e astronomisë si zbuluesi i një planeti të ri./Opinion.al
