Deputeti i Partisë Demokratike, Ervin Salianji është shprehur i bindur në fitoren e opozitës në zgjedhjet lokale të 14 majit.
Në emisionin “Opinion”, Salianji tha parashikimin e tij për fitoren e opozitës në zgjedhje e mbështet në masivitetin e protestave e në pakënaqësinë e qytetarëve ndaj qeverisë së drejtuar nga Rama.
“Pamjet flasin vetë, shikojeni si vaki. Këtu do të jemi dhe në javën e tretë të fushatës. Do të detyrohet Rama që të mbledhë administratën. Në 2021-shin pavarësisht se PD la mandatet, nuk kishte asnjë bashki, pati njëmijë marifete dhe diferenca ishte më pak se gjysma e votave të pavlefshme. Po të marrim në total, votat e PS janë pakicë. Rama as nuk i do njerëzit dhe as njerëzit nuk e duan. Do të fitojë opozita edhe në sondazhe ka 70 për qind njerëz që kanë pakënaqësi ndaj opozitës. Ne do të fitojmë, duket në masivitetin e protestave, në të gjithë shkatërrimin që i ka bërë Shqipërisë Qeveria e Ramës. Për çfarë duhet të votohet sot PS? Duhet të votohet kundër qeverisë duke votuar për kandidatët e opozitës në çdo zonë”,-tha Salianji./Opinion.al
