Pas deputetëve Gjuzi dhe Roshi, Adriatik Alimadhi është shprehur se do të votojë kundër ndryshimeve në Kodin Zgjedhor.
Alimadhi tha nga foltorja e Kuvendit se projektligji i ndan shqiptarët në jugorë që votojnë për PS dhe veriorë që votojnë për PD.
“Kam një mendim. Ky vend për 30 vjet ka vuajtur prej kësaj sjelljeje politike. Kërkuan depolitizimin e KQZ, sistem të pastër kombëtar me lista te hapura, ne këtë rast asgjë nga këto nuk u zbatua. Kjo kapje sistemi, prej 30 vitesh do prodhojë vazhdimësinë e kësaj mendësie. Votoni kundër këtij projektligji, është kundër interesit kombëtar. I ndan shqiptarët, në jugorë, ku merr PS mandate dhe verior ku PD merr mandate. Unë votoj kundër.”
