Zvendës/kryeministrja dhe njëherazi ministrja e Infrastruktures dhe Energjise Belinda Balluku në përfundim të mbledhjes së qeverisë ka njoftuar se me vendimin e Keshillit te Ministrave është liruar nga detyra zv/ministri i Infrastrukturës Ardi Veliu dhe zvendësministrja e Mbrojtjes, Dallëndyshe Bici.
“Gjithashtu sot janë marrë dy vendime të cilat unë do doja t’i përmendja dhe t’i sqaroja. Lirimi nga detyra i zv/ministrit të Infrastrukturës dhe Energjisë, zotit Ardi Veliu dhe lirimi nga detyra i zv/ministres së Mbrojtjes, zonjës Dallëndyshe Bici. Që të dy dua t’i falënderoj për punën e shkëlqyer që kanë bërë në pozicionet që kanë mbajtur dhe dua t’i informoj se do të ketë detyra të rëndësishme në ditët në vazhdim të cilat sigurisht ne i bazojmë në eksperiencën që të dy kanë dhe për më tepër në pozicione kyçe të cilat janë të nevojshme në të gjithë mbarëvajtjen e punës në republikën e Shqipërisë”- tha Balluku.
