Kryesore

Ndërtimi i landfillit të Vlorës, PD akuzon qeverinë për korrupsion


Bëhu pjesë e Grupit Zyrtar të Opinion.al
>> KËTU <<
               Publikuar në : 16:44 - 07/07/20 |
Opi Nion

Partia Demokratike ka hedhur akuza ndaj qeverisë në lidhje me ndërtimin e landfillit të Vlorës.

Përmes një postimi në rrjetet sociale, Departamenti i Antikorrupsionit pranë PD,  ka publikuar disa dokumente të cilat, sipas saj, përfitues do të jetë biznesmeni, Klodian Zoto.

Selia blu shprehet se nuk është hera e parë që Zoto përfiton nga qeveria, pasi siç shprehet PD, situatë e ngjashme ka ndodhur në Elbasan, Fier dhe Tiranë.

përmes një postimi në Facebook të disa dokumenteve, denoncon vendimin e qeverisë, e cila ka miratuar ndërtimin e landfillit të Vlorës, ndërsa sipas PD-së, përfituesi është emër i përfolur.

STATUSI I PLOTE

𝑬𝒅𝒉𝒆 𝒍𝒂𝒏𝒅𝒇𝒊𝒍𝒍-𝒊 𝒊 𝑽𝒍𝒐𝒓𝒆̈𝒔 𝒔𝒉𝒌𝒐𝒏 𝒑𝒆̈𝒓 𝒁𝒐𝒕𝒐𝒏…

Kur bëhet fjalë për mbetje (plehra) të ngurta, apo jo, landfill, incenerator, i ndërtuar apo në letër, automatikisht duhet të të vijë në mendje 𝑲𝒍𝒐𝒅𝒊𝒂𝒏 𝒁𝒐𝒕𝒐.
I përfshirë dhe përfitues në djegësin e Elbasanit, i dhënë kompanisë fantazëm të krijuar enkas për të lidhur kontratën; I përfshirë dhe përfitues në landfillin e Fierit, pa garë dhe transaksione kuotash të paligjshme, landfill të cilit i dihet vetëm emri, sepse për trajtim mbetjesh ende nuk e ka uruar kush “Punë e mbarë!”, ndërkohë që gjendet me arkën me plot 24 mld lekë; Patjetër i përfshirë dhe përfitues në landfillin e Tiranës, gjithnjë pa garë dhe me skema kompanish offshore. Nuk mund të mos përmendet veprimtaria jashtë territorit të RSH-së, deri në Zimbabve, që tronditi vendin në fjalë për nivelin e lartë të përfshirë në aferë identike korruptive. Harta e mbetjeve së fundmi përfshin Vlorën: Kryeministri miraton ndërtimin e 𝒍𝒂𝒏𝒅𝒇𝒊𝒍𝒍𝒊𝒕 𝒕𝒆̈ 𝑽𝒍𝒐𝒓𝒆̈𝒔, përfitues nuk mund të ishte tjetërkush pos Zotos./ Opinion.al

Pas