Kreu i Partisë Demokratike, Lulzim Basha, ka reaguar për ndarjen nga jeta të aktorit Guljelm Radoja.
Përmes një statusi në Twitter kryedemokrati shkruan se ndarja nga jeta e Radojës është humbje e madhe për artin dhe kulturën shqiptare.
“Me hidhërim të madh mora lajmin për ndarjen nga jeta të artistit të madh Guljelm Radoja. Largimi nga jeta i artistit të madh shqiptar është humbje e madhe për artin dhe kulturën shqiptare.
Guljelm Radoja e humbi betejën e parë të jetës së tij por la pas një trashëgimi të jashtëzakonshme njerëzore dhe artistike, ishte një frymëzim për qindra të rinj e qytetarë që donin dhe duan lirinë, të drejtën e dinjitetin.
Ngushëllimet e mia shkojnë për familjen e tij, miqtë dhe të afërmit. Guljelm Radoja do të mbetet përjetë mes nesh. U prehtë në paqe!”, shkruan Basha./Opinion.al
