Kryeministri Edi Rama në një postim në rrjetin social “Facebook” shkruan se tregtarët po zëvendësojnë qeset e dëmshme plastike, me qeset e shëndetshme të letrës, ndërsa shumë blerës po marrin trasta për pazar.
Sipas kreut të qeverisë duke ndaluar qeset plastike mbrojmë Shqipërinë e fëmijëve tanë nga dëmi që ato shkaktojnë mbi mjedisin dhe shëndetin.
Më tej Rama shkruan se nga 1 korriku nis aktivizimi i gjobave për ata që i përdorin.
“Kënaqësia e qeseve prej letre në pazaret e ditës.
Sa mirë të shohësh që përditë e më shumë tregtarë po zëvendësojnë qeset e dëmshme plastike, me qeset e shëndetshme të letrës, ndërsa shumë blerës po marrin trasta për Pazar.
Kështu mbrojmë Shqipërinë e fëmijëve tanë nga dëmi i frikshëm i qeseve plastike mbi mjedisin dhe shëndetin.
Në 1 korrik nis aktivizimi i gjobave!”-shkruan Rama.
