Aktualitet

Ndahet nga jeta pedagogu i Akademisë së FA, Xhaçka:Nderim për Agim Sulaj


Bëhu pjesë e Grupit Zyrtar të Opinion.al
>> KËTU <<
               Publikuar në : 12:19 - 25/01/21 |
Semiljana Azizi

Është ndarë nga jeta ditën e sotme pedagogu i Akademisë së Forcave të Armatosura Agim Sulaj.

Lajmi e ka bërë publik ish-ministrja e Mbrojtjes Olta Xhaçka, e cila nëpërmjet një postimi në rrjetet sociale shkruan se pedagogu Sulaj ishte një nga profesorët më me eksperiencë që kontribuoi në përgatitjen e brezave të tërë ushtarakësh.

Ndërkaq, Xhaçka i shpreh ngushëllimet familjes, miqve dhe kolegëve në postimin e saj.

Postimi i plotë:

Trishtim e dhimbje pas lajmit për largimin nga jeta të profesor Agim Sulaj, një prej pedagogëve më të vjetër dhe më të vlerësuar të Akademisë së Forcave të Armatosura. Pata nderin të punoj me të, për një prej projekteve që ai kishte aq shumë përzemër: akreditimin e AFA si i vetmi institucion i arsimit të lartë për mbrojtjen dhe sigurinë në vend.

Mirënjohje e nderim për pedagogun, që me shumë përkushtim kontribuoi në përgatitjen e brezave të tërë ushtarakësh dhe punoi më shumë profesionalizëm, për atë që Akademia e Forcave të Armatosura është sot.

Ngushëllimet më të sinqerta familjes, miqve e kolegëve!/Opinion.al

Pas