Sport

FSHF shtyn sërish kategorinë e Parë dhe të Dytë, publikohet data kur rinis


Bëhu pjesë e Grupit Zyrtar të Opinion.al
>> KËTU <<
               Publikuar në : 12:45 - 25/01/21 |
Semiljana Azizi

Kategoria e Parë dhe e Dytë nuk do të rinisin as këtë fundjavë. Vendimi i cili është konfirmuar në një njoftim zyrtar nga vetë FSHF njoftohet se rifillimi i ndeshjeve do të jetë fundjavën pasardhëse, më konkretisht 6 shkurt 2021.

Në njoftim bëhet me dije gjithashtu se ky vendim është marrë për shkak të kushteve atmosferike që pritet të përfshijnë vendin në fundjavë.

“Federata Shqiptare e Futbollit bën me dije se rifillimi i aktivitetit të Kategorisë së Parë dhe Kategorisë së Dytë do të shtyhet sërish.

Zyra e shtypit në FSHF njofton se vendimi është marrë për shkak të reshjeve të shiut, që parashikohen në fundjavë e që mund të krijojnë problematika të mëdha në infrastrukturën e shumë skuadrave. Në këto kushte, Sektori i Garave në FSHF ka planifikuar që rifillimi i ndeshjeve në të dyja kategoritë të ndodhë fundjavën pasardhëse, më konkretisht 6 shkurt 2021.

Ndërkohë, lidhur me këtë ndryshim të kalendarit janë njoftuar edhe klubet e Kategorisë së Parë dhe Kategorisë së Dytë”, thuhet në njoftimin e bërë nga FSHF. /Opinion.al

Pas