Pandemia COVID-19 vijon të përhapet me ritme të shpejta në SHBA. Lidhur me situtën e krijuar nga pandemia ka reaguar miliarderi, Bill Gates.
Ai ka paralajmëruar se pesë muajt e ardhshëm do të jenë “mjaft të zymtë” për Shtetet e Bashkuara nëse rastet e COVID-19, shtrimet në spital dhe vdekjet nuk ndalojnë së rrituri.
Lidhur me vaksinën anti COVID, Gates ka thënë se do ta merrte atë menjëherë sapo ajo t’i vihej në dispozicion.
Miliarderi, fondacioni i të cilit ka kontribuar 450 milion dollarë në përgjigjen globale të koronavirusit, i tha NBC’s Today se gjërat mund të kthehen drejt normalitetit në pranverë nëse amerikanët dyfishojnë masat e shëndetit publik tani.
“Kjo është një situatë paradoksale sepse gjërat po përkeqësohen. Katër deri në pesë muajt e ardhshëm duken mjaft të zymtë”,-tha ai.
Ai vuri në dukje, megjithatë, se gjëja më me ndikim që njerëzit mund të bëjnë tani për të parandaluar rritjen e përkeqësimit ishte mbajtja e distancës dhe e maskave.
Duke folur për zhvillimin e vaksinës, Gates tha se ka të ngjarë që të gjithë kandidatët të kenë sukses duke pasur parasysh normat e efikasitetit nga Moderna dhe Pfizer.
‘Duket se pothuajse të gjitha vaksinat do të kenë sukses. Ështe shkencë e mrekullueshme, prodhim i shkëlqyeshëm industrial, bashkëpunim perfekt, edhe midis vendeve. Pra, e dini, kjo është një luftë, ne jemi të gjithë së bashku,-tha ai./ Opinion.al
