Shkarkohet Kiço Londo, Altin Basha emërohet drejtor i Teatrit

Kiço Londo është larguar nga detyra e drejtorit të Teatrit Kombëtar Eksperimental, “Kujtim Spahivogli”.

Mësohet se në vend të tij është emëruar në detyrë regjisori. Altin Basha. Shkarkimi i Kiço Londos është firmosur nga zëvendëskryeminsitri, Erion Braçe.

Dy javë më parë Ministria e Kulturës ngriti komision për shkarkimin e Londos, i cili ishte emëruar në këtë detyrë që në muajin qershor të vitit 2014.

Vendimi i Këshillit të Ministrave

PËR LIRIMIN DHE EMËRIMIN NË DETYRË TË DREJTORIT TË TEATRIT KOMBËTAR EKSPERIMENTAL “KUJTIM SPAHIVOGLI”

Në mbështetje pikës 2, të nenit 100, të Kushtetutës, dhe të pikës 3, të nenit 9, të ligjit nr. 10352, datë 18.11.2010, “Për artin dhe kulturën”, të ndryshuar, me propozimin e ministrit të Kulturës,

Këshilli i Ministrave

VENDOSI:

1. Z. Kiço Londo, drejtor i Teatrit Kombëtar Eksperimental “Kujtim Spahivogli”, lirohet nga kjo detyrë.
2. Z. Altin Basha emërohet drejtor i Teatrit Kombëtar Eksperimental “Kujtim Spahivogli”.

Ky vendim hyn në fuqi menjëherë.

ZËVENDËSKRYEMINISTËR

Erion Braçe