Në një deklaratë për mediat, kreu i PDIU-së Shpëtim Idrizi, foli pas takimit me presidentin Bajram Begaj lidhur me datën e zgjedhjeve.
Teksa iu referuar mungesës në takimin e Berishës me aleatët, Idrizi tha se PDIU do jetë në kontakt me të gjitha forcat politike relevante.
“Nëse do të jeni të vëmendshëm brenda grupimeve opozita ka shumë grupime dhe ky grupim ka qenë gjithmonë bashkë. Do jemi në kontakt me forca politike relevante. Në radhë të parë, PDIU është e interesuar të ketë këshilltarë. Ne jemi të hapur që të diskutojmë dhe në radhë të parë të mbajmë qëndrimet tona. Ai grupim ka qenë dje gjithmonë një grupim i përbashkët politik”, tha Idrizi.
