Një nismë e Shoqatës së Infermierëve të Shqipërisë, mbështetur nga aktorë të shoqërisë civile, është angazhuar edhe në Shqipëri në mbledhjen e ndihmave për qytetarët në Ukrainë.
Mariglen Kadiasi, një qytetar shqiptar i martuar me një vajzë nga Ukraina që që ka jetuar atje prej vitit 2019, i rikthyer prej luftës, i është bashkuar kësaj nisme, ndërsa shprehet për Opinion.al se nevojat kryesore janë ato për medikamente.
“Jemi pranë situatës duke marr përditësime rregullisht nga miqtë tanë në Ukrainë të cilët janë në front, evakuojnë njerez, shpërndajnë ndihma dhe kujdesen për civilët e evakuar. Atje ka nevoja për ilaçe, për të sëmurët kronikë apo edhe të plagosurit nga bombardimet”, shprehet ai. Për të gjithë ata që duan të ndihmojnë këtë nismë, ka tashmë një faqe në Facebook si dhe një pikë grumbullimi, në Tiranë, në rrugën “ Beqir Luga”, Nd.3. Listën e ilaceve te nevojshme e gjeni duke skanuar QR code tek fotoja.
