Avokati Maksim Haxhia e ka konsideruar të padrejtë dënimin e klientit të tij, ish-ministrit Saimir Tahiri.
Sipas avokatit mbrojtës të ish-ministrit, me këtë vendim Apeli i Gjykatës kundër Korrupsionit dhe Krimit të Organizuar ka njollosur Tahirin.
“Nuk e dimë si do ta justifikojë gjykata një vendim të tillë ku hiqet pezullimi. Ky ishte një vendim për të kënaqur.
Paramendimi në këtë vendim ka të bëjë me faktin që pavarësisht se ne na bën optimist është se gjykata dhe ata që iniciuan këtë proces, realizuan njollosjen e Tahirit duke hequr nenin 59. Duke parë këtë vendim të pajustifikuar, i ka të gjitha përgjigjet brenda.
Ai ishte i qetë, sot Tahiri i kishte të gjitha mundësitë që të mos vinte. Pati edhe njerëz që i thoshin mos u paraqit, por ai tha se do të jetë në dispozicion të drejtësisë. Sot do të jetë në drejtorinë e policisë. Rekursin presim vendimin e arsyetuar. Jam i sigurt që vendimi do të vonohet. Ky vendim ishte një vendim për të njollosur Saimir Tahirin”-tha Haxhia.
