Një aksident është regjistruar mesditën e sotme në Berat, ku për pasojë kanë mbetur të plagosur rëndë edhe dy persona.
Paraprakisht mësohet se aksidenti ka ndodhur në lagjen “Çelepias” në Berat, në vendin e quajtur rreth-rrotullimi i Ypsilonit.
Bëhet e ditur se një motor me 4 rrota që ka qenë duke qarkulluar me shpejtësi dhe për pasojë ka humbur kontrollin, duke hipur më pas mbi trotuar.
Për pasojë motori ka goditur e marrë zvarrë një kalimtar të rastit. Mësohet se kanë mbetur të plagosur rëndë kalimtari dhe drejtuesi i motorit.
Të dy të plagosurit janë transportuar fillimisht drejt Spitalit Rajonal Berat por për shkak të plagëve të shumta dhe gjendjes së tyre të rënduar, ata janë transportuar me ambulanca drejt Spitalit të Traumës në Tiranë .
Në vendngjarje kanë shkuar forca të shumta policie, që janë duke kryer edhe matjet në vendngjarje për të zbuluar shkaqet dhe dinamikën e aksidentit të rëndë./Opinion.al
