Aktualitet

Integrimi, Bullgaria kërkon zyrtarisht që Shqipëria të ndahet nga RMV


Bëhu pjesë e Grupit Zyrtar të Opinion.al
>> KËTU <<
               Publikuar në : 12:57 - 25/11/21 |
Opi Nion

Bullgaria ka kërkuar zyrtarisht që Shqipëria të ndahet nga Maqedonia e Veriut sa i përket procesit të integrimit.

Klan News raporton se Bullgaria iu ka kërkuar shteteve anëtare të BE-së që Shqipëria të gjykohet për meritat e saj dhe të vijojë rrugën drejt integrimit.

“Maqedonia e Veriut nuk plotëson ende kriteret për mbajtjen e Konferencës së parë Ndërqeveritare”, thuhet në një reagim të qeverisë bullgare.

Këtë propozim e ka bërë edhe Komisioneri për Zgjerimin, Oliver Varhelyi.

Vendimi për hapjen e negociatave me Maqedoninë e Veriut ka ngecur në Këshillin e BE-së, pasi Bullgaria ka vendosur veto për shkak të mospajtimeve që ka me Shkupin zyrtar.

Vetoja bullgare po mban peng zhvillimin e konferencës së parë ndërqeveritare, pasi rrugëtimi për Shqipërinë dhe Maqedoninë e Veriut është konceptuar në bllok.

Pak ditë më parë, senatorët e SHBA Klaudia Teni dhe Uilliam R. Keting, të dy anëtarë të Komitetit të Punëve të Jashtme të Dhomës, i kërkuan Sofjes të gjente një kompromis dhe të zgjidhte situatën, pasi sipas tyre pengesat për integrimin përbënin problem për stabilitetin në Ballkanin Perëndimor.

“Tre vendet e Ballkanit, Shqipëria, Mali i Zi dhe Maqedonia Veriore, janë anëtarësuar me sukses në NATO. Për këto arsye, anëtarët e Kongresit në të dy anët e sallës kanë shprehur mbështetjen e tyre të fortë për integrimin e shpejtë të Ballkanit Perëndimor në Bashkimin Evropian”, thuhej në letër.

Pas