Aktualitet

Vendet europiane në karantinë/ Do ketë shtrëngim të masave? Përgjigjet Rakacolli


Bëhu pjesë e Grupit Zyrtar të Opinion.al
>> KËTU <<
               Publikuar në : 12:36 - 25/11/21 |
Opi Nion

Zv/Ministrja e Shëndetësisë, Mira Rakacolli tha këtë të enjte se shifrat aktuale nga pandemia nuk sugjerojë për një ndryshim të masave që janë aktualisht në fuqi në vendin tonë.

Në një lidhje direkte në Klan News, e pyetur nëse do ketë një shtrëngim masash duke patur parasysh faktin se shumë vende europiane janë kthyer në karantinë të pjesshme, Rakacolli u përgjigj se nëse do të ketë shifra shumë më të larta, që tregojnë për mundësi shumë të larta infeksioni,  mund të ketë vlerësim të masave.

Zonja Rakacolli, në raport edhe me masat të cilat janë në fuqi si pasojë e koronavirusit, do të ketë një shtrëngim të tyre? Kjo është pyetja që bëjmë gjithmonë duke marrë parasysh që janë disa vende europiane që kanë rikthyer edhe një karantinë të pjesshme. Shqipëria e ka menduar ndonjëherë gjatë kësaj periudhe një skenar të ngjashëm, ndoshta jo karantinë e plotë, po të paktën e pjesshme?

Mira Rakacolli: Për shifrat që janë deri më tani nuk diskutohet ky skenar, por nëse do të ketë shifra shumë më të larta, ose shifra të ndryshme, që tregojnë për mundësi shumë të larta infeksioni, në bazë të hetimet epidemiologjik që ku kanë qenë ato, ndoshta mund të ketë ndonjë vlerësim. Por me shifrat që kemi tani nuk ka asnjë indikacion që të na sugjerojë masa më të forta për shifrat ku jemi tani./Opinion.al

Pas