Inspektorati Shtetëror Shëndetësor njoftoi se ka marrë 3 vendime të ndërmjetëm për pezullim të aktivitetit të subjekteve, në qarqet Berat, Durrës, Fier, për mosrespektim të rregullave Covid.
Në të gjitha qarqet e vendit në 24 orët e fundit janë kryer 1626 inspektime dhe monitorime, ndërsa në total ISHSH ka kryer 104,564 kontrolle gjatë epidemisë dhe ka vendosur mbi 380 masa administrative për subjektet e gjetura në shkelje të protokolleve të sigurisë.
Ministria e Shëndetësisë iu bën apel bizneseve, të dezinfektojnë ambientet, të kryejnë ajrosjen rregullisht, të përdoren maskat apo barrierat mbrojtëse në çdo subjekt shërbimi për qytetarët, siç e përcaktojnë protokollet e autoriteteve shëndetësore.
Çdo shkelje do të konsiderohet me rrezik për shëndetin e qytetarëve dhe si e tillë do të ndëshkohet sipas ligjeve në fuqi./Opinion.al
