Bota

Moska hedh poshtë akuzat për krime lufte në Ukrainë: Është një gënjeshtër



Bëhu pjesë e Grupit Zyrtar të Opinion.al
>> KËTU <<
               Publikuar në : 16:49 - 19/09/22 |
Opi Nion

Moska hodhi poshtë deklaratën e presidentit ukrainas Volodymyr Zelensky për krimet e luftës së Rusisë në territoret e çliruara në verilindje të Ukrainës.

Zëdhënësi i Kremlinit, Dmitry Peskov i cilësoi deklaratat e Zelenskyt gënjeshtra dhe akuzoi Kievin se po përdorte të njëjtin skenar si në periferinë e Kievit, Bucha.

“Ky është i njëjti skenar si në Bucha. Kjo është një gënjeshtër. Sigurisht, ne do ta mbrojmë të vërtetën në gjithë këtë histori”, tha këtë të hënë zëdhënësi i Kremlinit Dmitry Peskov.

Pas tërheqjes së trupave ushtarakë të Rusisë nga rajoni i Kharkiv,  varre masive të njerëzve u gjetën në territorin e Iziumit të çliruar javën e kaluar. Ndërkohë, Ministria e Mbrojtjes së Ukrainës tha se të paktën 440 varre u gjetën në qytet ditët e fundit.

Sakaq, Zelensky tha se disa nga trupat e gjetur në Izium treguan “shenja torture”, duke fajësuar Rusinë për atë që ai e quajti “mizori dhe terrorizëm”.

“Bucha, Mariupol dhe tani, për fat të keq, Izium … Rusia e lë vdekjen kudo,” tha Zelensky, duke bërë thirrje që Rusia të mbjë përgjegjësi për krimet e kryera.

Që nga fillimi i pushtimit rus në Ukrainë më 24 shkurt ka pasur akuza të shumta për mizori të kryera kundër civilëve ukrainas.  Nga ana tjetër, Rusia hodhi poshtë akuzat për vrasjet e civilëve në Bucha./Opinion.al

 

Pas