Ish-kryeministri Sali Berisha ishte sot në Shkodër, ku prezantoi kandidatin Bardh Spahia për zgjedhjen e pjesshme vendore të 6 marsit.
Gjatë fjalës së tij, Berisha i është drejtuar kandidatit të Partisë Demokratike në Shkodër, Xhemal Bushatit, duke cituar një ndër rolet shumë të komentuara të estradës shkodrane: Shoku Xhemal.
“I nderuar zoti Xhemal, mos u bëj shoku Xhemal”,-tha Berisha nga Shkodra.
Ndërsa të gjithë shpërthyen në të qeshura, aktori i humorit Zef Deda është ngritur mes të pranishmëve dhe ka interpretuar këtë rol./Opinion.al
