Seksi ka kohë që pushon së qeni një territor vetëm mashkullor. Gratë kanë mësuar të flasin me guxim për dëshirat e tyre dhe në përgjithësi vendosin në mënyrë të pavarur. Ndërkohë, ekziston paradoksi i orgazmave false. Psikologët nga Universiteti i Kanzas (SHBA), pas një studimi të bërë me 1600 pjesëmarrëse, arritën në përfundimin se 8 nga 10 gra stimulojnë orgazma false dhe gjysma e tyre e bëjnë këtë gjatë gjithë kohës.
Përveç të tjerash, pothuajse një e treta e të anketuarave u shpreh se kjo ndodh për shkak të frikës së humbjes së partnerit.
Të bërit seks për të kënaqur partnerin në radhë të parë e jo për vete quhet motivim jo seksual për seksin. Përqendrohuni në radhë të parë te ndjenjat tuaja. Mos u përpiqni që çdo gjë të jetë ideale, jini gjithnjë vetvetja. Harrojini filmat pornografikë! Janë aktorë që paguhen për të luajtur rolet e tyre, në të vërtetë nuk përjetojnë asnjë ndjenjë reale, është gjithçka e stimuluar. Dëgjoni trupin tuaj, ai e di më mirë.
Seksologët shprehen se për të zhvilluar ndjeshmërinë e vaginës ndihmojnë edhe lodrat seksuale. Përdorini ato gjatë masturbimit. Përpiquni të përqendroheni te ndjesitë e reja që përjetoni. Studioni trupin tuaj. Kjo ju ndihmon të kuptoni se çfarë kërkoni nga një partner dhe të arrini orgazmën më shpejt.
